關於本報

台灣文學獨立聯盟電子報
報主:台灣文學獨立聯盟
創刊日期:2009-06-29
發報頻率:週刊
訂閱人數:213
官網:

近期電子報


訂閱便利貼


將貼紙語法置入您的網站或部落格當中, 訪客可以輸入mail取得認證信,並按下確認連結後, 快速訂閱您的報紙。
預覽圖
訂閱台灣文學獨立聯盟電子報報
台灣文學獨立聯盟電子報
-----------------------------------------------------------------------------------------------------
Plurk FaceBook Twitter 收進你的MyShare個人書籤 MyShare
  顯示內嵌語法

台灣文學獨立聯盟電子報
發報時間: 2009-11-06 11:00:00 / 報主:台灣文學藝術獨立聯盟
本期目錄
陳寧貴─ 面對 --- 碎裂之戰
陳秋白 ─ 當金色日頭光歕開透早的茫霧
Catherine Yen ─ 睡著的瑪哈
陳金順 ─ 一枝詠史詩的健筆〈小論柯柏榮赤嵌樓的情批〉
施俊州 ─ 台語文學館 tī 海寮?
[公益聯播]節慶活動
陳寧貴─ 面對 --- 碎裂之戰

面對 --- 碎裂之戰




暗到同墨水共樣
我等蓋像佇墨水肚
恬恬緊泅

一隻一隻介猴仔、鳥仔
一頭一頭介樹仔
全部都睡落覺
連透氣聲也聽無到

我等輕手輕腳
慢慢慢慢摸到
中國海盜林道乾賊營前
囥佇榮榮樹叢
這時節,恨意
既經驚濤駭浪
湧入心肝底肚

我等正愛摸入賊營
無愐到該兜賊仔
蓋早得到攻擊消息

一大陣銃聲
打破分黑玻璃
蒙等介恬靜山林
黑玻璃突然 
裂 ~ 開 ~ 四 ~ 散 ~
銃子像恁毒虎頭蜂穿入我等介
頭那
胸脯
肚司
手腳

我等介圓身
還赴毋到來喊痛
血,就火山爆發樣
噴到歸山林

日頭一出來
分人看到台灣
處處黏等血紅介歷史



附記:1563年中國海盜林道乾,躲避朝廷追緝,率數百賊眾,隱遁來台。他們任意劫虐打狗山西拉雅瑪卡道平埔族人,卡道族人憤怒至極,商議多時,某夜,全體男女出動進行反擊--



......網路閱讀
 



陳秋白 ─ 當金色日頭光歕開透早的茫霧



當金色日頭光歕開透早的茫霧



當金色日頭光歕[pûn]開透早的茫霧
對海面來的風
迒[ha̍hⁿ]過銀白水花的岸
輕懶懶的雲鉼[pín]佇秋天的外套
對山頂闖落來的風
佇厝瓦[chhù-hiā]頂放聲吼
佇我的耳空邊擂鼓
麻黃林的砂土
掩崁[am-khàm]昨暝佮我熱戀的星
稻草人看守水田
厝鳥仔徛佇瓦頂
期待金黃色的穗─
「唰─對秋天的門斗流落來」

棺材頭[抹香鯨]佮規群圍過來的囡仔
做伙攑[gia̍h]頭向天
拍無去紐[liú]仔的雲
佇數念[siàu-liām]海鵝的旅途
佇浮冰的海面
綴[tuè]季節風
散做貨櫃
隨意志流浪
像矸仔底的放流批
佇一个含笑的夢中
予一雙溫暖的手抾[khioh]去

田塗頂的蔥頭
穿一領透紅玻璃絲衫
伊的心蹛[tuà]佇一層一層青白的夢中
像焦燥土地慢慢發芽的種籽
透露中亞薟薟[hiam-hiam]的身世
佇我褪[thǹg]去伊的絲衫的時陣
伊連鞭[liâm-mi]生湠,佔領我的心
閣踮[tiàm]我的目睭底發酵一逝[tsuā]一逝的熱淚
─瑯嶠,瑯嶠
像蝴蝶翅股的花蕊
褫[thí]開Bujaujau的海域
這時──

佇焦燥的空氣中
銃籽佮砲火的影跡對河口逼入
我猶聽著頭目阿碌爸子
亻因 箭的悲泣
鑽出霜白的菅芒
綴[tuè]染出血色的溪
一重一重流出海
綴欶[suh]入溪床的血
溢上金色日頭光的山坪



......網路閱讀
 



Catherine Yen ─ 睡著的瑪哈


Catherine Yen ─ 睡著的瑪哈

(Tamaha in coffin, water color by Michail Vrubel-Russian Painter)


睡著的瑪哈

沿著棺木
做最後的巡禮
拭淚的行列
靜悄悄
黑紗與白玫瑰在視線裡爆炸
那睡著的瑪哈

忽然,我看見
她嘴角笑了一下
我心驚 ,眼睛睜亮
聆聽” 莫斯科的寒夜”
一顆水晶球,純粹透明
輕輕在教堂升起
與音樂凝結
飄向圓頂的天窗

她在土穴中奔逃
丟掉黑紗
丟掉白玫瑰
粉紅的臉頰
興奮、汗水淋漓
她的靈魂飛奔
奔向詩人的情人
在天際等她
她將手邊唯一的披紗
覆在上弦月
睡著
唯恐月亮著涼




......網路閱讀


陳金順 ─ 一枝詠史詩的健筆〈小論柯柏榮赤嵌樓的情批〉

【詩評】
一枝詠史詩的健筆──小論柯柏榮〈赤嵌樓的情批〉



  2003年開始踮內籬仔創作台語詩的柯柏榮,佇2007年交出伊台語文學的頭一張成績單──詩集《娘仔豆的春天》。2009年5月才脫出內籬仔有形束綁的柯柏榮,真緊欲閣交出伊的第二張成績單──詩集《赤嵌樓的情批》。佇筆者為《娘仔豆的春天》所寫的話頭〈內籬仔的春光〉裡,捌講過:

  柏榮兄有一首無收踮冊內的百外畷長詩,有歷史感的滄桑氣味,ùi這首詩我閣較會當肯定家己的眼光無歪tshuah。予伊自由的時間佮空間,我有信心,未來台語文學的花園內面,柯柏榮定著會開出一蕊閣一蕊的芳花。

頂面所講著的「百外畷長詩」,就是佮《赤嵌樓的情批》仝名的詠史詩〈赤嵌樓的情批〉。柯柏榮為著參加第四屆海翁台語文學獎,kā原詩改做98畷符合參賽資格,落尾因為「佇結構上控制kah真完整,渾然天成,除了詩人的用心費神,咱嘛感受著伊寫詩的天份。」(評審李勤岸語)得著彼屆詩類第一名。下底關係〈赤嵌樓的情批〉的事項,全然以得獎版本為主。
  便若對詩內行khùi的人攏知影,設使詩藝無夠,詠史詩寫到後來,往往會成做干單有「歷史」無「詩」、白汫無味的一畷一畷分行。這款物件,佇台語詩壇一向無缺欠。好佳哉,減采毋捌讀過詩論的柯柏榮,會當講是一位無師自通的天生詩人,佇短短幾冬內就有才調寫出成百畷的詠史詩,尚且不止仔有詩味。規首〈赤嵌樓的情批〉,詩人攏是以第一人稱赤嵌樓所化身姑娘仔的角色咧「講古」,伊的情郎就是古早號做「熱蘭遮城」的安平古堡。佇詩的第三段詩人寫出:

   汝敢會記?
   紅毛古井磅空內
   暗挲挲的輕聲幼語
   烘燒咱的情絲牽綿綿

頂面這四畷詩的源頭,出現佇伊的得獎感言裡:「囡仔時代,常在聽阮外公講安平古堡的故事,會記得伊捌講過古堡有一窟古井會當迵赤嵌樓,這是我創作這首詩的線頭。」安平古堡敢真正會當迵赤嵌樓咱無的確知影,不而過,詩人將伊囡仔時的認知透濫踮詩裡,kā安平古堡化身做一位神勇的戰士:

   嚮時,汝是我的守護者
   揹銃扛砲神勇的戰士
   佇台江外墘浸鹽水的沙洲徛挺挺
   保護我袂受攪擾好睏眠

不而過,經過戰亂、幾百年歲月的滄桑,詩人形容赤嵌樓已經變身做一位滿面皺紋的老阿婆,閣較免講會當得著情郎的寵倖。佇詠史的氣氛裡,柯柏榮寫出:

   汝敢知影?
   歷史用一支無形的雕刻刀
   將我的八字一刀一刀刻深刻皺
   地圖擱搰力拼勢犁我的面形
   台江填塗,五條港沈底。已經是
   塗埆厝、平厝、別莊、點仔膠路的天下
   我亦已經鼻袂著汝夜夜寵倖的芳味

根據林央敏的講法,詠史詩ài觀顧的條件是「看作品的題材是否具有較強烈的歷史性,以及內容是否表現出濃厚的歷史感,並以傳達某種歷史意識、歷史認知為主要目的」。以頂面的標準來檢驗,現此時台語詩裡規模上大的詠史詩thìng好講是林央敏9000畷跤兜的《胭脂淚》;另外,方耀乾的《將台南種佇詩裡》佮陳金順的《一欉文學樹》詩集裡,嘛分別有幾落首台語詩裡罕有的詠史詩。
  因為長期踞踮內籬仔,致使濟濟詩作以監獄做背景的柯柏榮,雖罔到目前為止干單寫出〈赤嵌樓的情批〉這首詠史詩,毋過,伊一出手就驚動台語文壇。以筆者長期對柯柏榮的觀察,只要伊肯下功夫佇詩的造就頂面,免出幾年,伊佇台語詩壇的確會交出一張媠khùi的成績單。嘛向望伊會當繼續為咱這塊多彩的土地寫出閣較濟優秀的詠史詩。

──2009.9.11寫佇赤崁米街
  2009.10.19《台灣教會公報》3008期



......網路閱讀



施俊州 ─ 台語文學館 tī 海寮?


施俊州 ─ 台語文學館 tī 海寮? 施俊州 ─ 台語文學館 tī 海寮?


台語文學館 tī 海寮?
――《海翁台語文教育季刊》第 5 期封面裡

 

圖 ∕ RoseArt Grace So͘ • 文 ∕ 施俊州

無名巷 tī 安定鄉普陀寺 ê 倒身邊--a,kiâⁿ--入-去 tō 是詩人方耀乾 ê
舊厝(海寮 91 號)。Lán ài sió 停 kha 想 khuàiⁿ--ê 是,台語人ê 公
同事業――台語文學館,beh án 怎 tsiah ē-tàng 早日設 tī tsit-tè 拋荒
ê 血跡地--leh? 是金錢、kha 手?Iah 是 vision? 無名巷,有 1 日
kám ē tsiâⁿ 做台文大道?




......網路閱讀




推薦訂閱
財團法人忠義社會福利基金會@【財團法人忠義社會福利事業基金會】
秋分瞑日對分@【美術館What?!】
轉寄『多樣語言的文學價值』這期電子報

寄信人暱稱  寄信人email
收信人暱稱  收信人email

  • 社群留言
  • 留言報主